Красноярск қаласының 2019 жылғы Универсиадаға дайындығы тексерілді

Белгілі болғандай, жақында президент Владимир Путиннің Сібір округіндегі өкілі Николай Рогожкин Красноярскіге тексеру үшін келген. Шенеунік қаланы аралап, жергілікті билік өкілдерімен кездесті.

Сондай-ақ Николай Рогожкин жергілікті билік өкілдерімен бірге қаладағы Универсиаданы өткізуге арналған нысандардың біріне барды. Делегация Сопка кешеніне кіретін «Горный» спорттық-жаттығу орталығын аралады. Николай Рогожкинге блокты көрсетіп, нысан туралы айтып берді. Сонымен қатар, жақын арада Горный орталығының оқу-жаттығу баурайында жаңа көтергіштің салынатыны хабарланды. Жаттығу жолының ұзындығы 536 метрді құрайды. Бұл ретте бұл аумаққа қосымша жарықтандыруды орнату жоспарланып отырғаны айтылды. Сондай-ақ еңісті жасанды қармен толтыратын арнайы қондырғылар орнатылады.

Бұдан кейін кеңес өтіп, онда 2019 жылы Красноярск қаласында Дүниежүзілік қысқы Универсиаданы өткізуге қатысты мәселелер қаралды. Өңір басшысы қажетті нысандарды жобалау және салу кестеге сай жүріп жатқанын атап өтті.

Николай Рогожкин Универсиадаға дайындықтың өз деңгейінде жүріп жатқанына көз жеткізді. Шенеунік барлық нысандардың құрылысы уақытында аяқталып, пайдалануға беріледі деп сенеді.