Қиыр Шығыста су басқан үйлердің саны азайғанымен, су басқан саяжайлар көбейген.

21 тамызда журналистерге Ресей Төтенше жағдайлар министрлігі өкілдерінің бірі мәлімдегендей, Қиыр Шығыстың 3 аймағында — Еврей автономиялық облысында, Амур облысында және Хабаровск өлкесінде — шамамен 6230 тұрғын үй әлі де су астында тұр. 20 тамызда су тасқыны аймағында 6300 тұрғын үй бар екені хабарланды.

Сондай-ақ 15 730 бау-бақша учаскелері мен саяжайлар су астында қалғаны, бұл сейсенбі, 20 тамыздағы көрсеткіштен көп екені айтылды. Ол кезде 15360 учаске су астында қалды. Осының бәріне қоса, 57 көпір (20-нан 2-ге аз) және 506 шақырым жол (бұрын – 501 шақырым) әлі су астында.

Дегенмен, жалпы алғанда оң үрдіс бар. Сейсенбі, 20 тамызда су басқан елді мекендердің саны алғаш рет 140-тан 137-ге дейін қысқарды. Ал 21 тамызда тағы 10 елді мекен су кетті.

Төтенше жағдайлар министрлігі қызметкерінің айтуынша, қазірдің өзінде су басқан елді мекендерден барлығы 22 060 адам эвакуацияланды, оның 7 350-і балалар.