Су басқан Қиыр Шығыс елді мекендері 130-ға жетті

Ресей Төтенше жағдайлар министрлігі өкілінің РИА Новости агенттігіне берген ақпаратына сәйкес, су тасқынынан зардап шеккен елді мекендердің саны бір тәулікте 130-ға жетіп, 125 елді мекенге жеткен.

Агенттік сұхбатшысының айтуынша, 27 муниципалитетте 130 елді мекен су астында қалып отыр, оның 39-ы Хабаровск өлкесінің аумағында орналасқан.

Сондай-ақ, оның айтуынша, 6 640 тұрғын үйді су басқан, онда 32 450 адам тұрады. Соның салдарынан 176 жол бөлігі мен 77 көпір апатты аймақта орналасқан. Қауіпті жерлерден 19 910 адам эвакуацияланды, оның 6 050-і балалар.

Төтенше жағдайлар министрлігінің мәліметінше, су тасқынынан зардап шеккендерді уақытша орналастыратын 43 пункт құрылды, соңғы мәліметтер бойынша оларда 2240 адам, оның ішінде 846 бала жатыр.

Қиыр Шығыстың бірқатар аймақтарында ең күшті су тасқыны бірнеше апта бойы жалғасуда. Төтенше жағдай Приморск және Хабаровск өлкелері, Амур облысы, Якутия және Еврей автономиялық облысында жарияланды. Жалпы, Қиыр Шығыста су тасқынынан зардап шеккендердің саны қазіргі уақытта 50 мыңнан астам адам, делінген министрлік хабарламасында.