Керчь көпірінің құрылысында Ұлы Отан соғысының 90 оқтұмсығы залалсыздандырылды.

Арнайы сараптама және жұмыстар жөніндегі ЭТК инженерлік-іздестіру бөлімінің бастығы Михаил Максимовтың айтуынша, саперлер аумақты тексеру кезінде шағын миналардан оқ-дәрілер мен екі жүз келіге дейінгі бомбалардың зарядтарын тапқан. 90 гектарға жуық аумақ снарядтардан тазартылды. Мұнда технологиялық және қоймалық қондырғылар, сондай-ақ жұмыс лагерлері орналасады.

Ұлы Отан соғысы жылдарында Таман мен Керчь түбегін басып алуға орасан зор күштер жіберілді. Фашистер салған бекіністер жүйесі «көгілдір желі» Таман түбегін қамтыды. Жауынгерлердің ерлігі мен батылдығының арқасында Кеңес әскерлері басып алған жерлерін қайтара алды, алайда азат етілген жерлерде бүгінгі күнге дейін көптеген оқ-дәрі қалды, оның нақты мөлшері әлі анықталған жоқ.

Миналарды тазарту Керчь көпірін салу үшін де, ауыл шаруашылығын дамыту және бұл жерлерде тұрғын үйлер салу үшін де қажет.

Миналарды тазалауға Ресейдің әр өңірінен тәжірибелі ресейлік мамандар тартылған. Жұмыс барысында сезімталдығы жоғары металл іздегіштермен жабдықталған соңғы технология қолданылады. Тузла аралының аумағын, сондай-ақ Таманды айналып өтетін маршрут салу жоспарланған учаскелерді зерттеу басталды. Жер көлемі төрт жүз гектар және бұғаздың екі жүз гектар акваториясы зерттеуге жатады.

Ағымдағы жылдың тамыз айына дейін көпір құрылысын бастауға дайындық кезеңін толығымен аяқтау жоспарлануда. Саперлар тексерген учаскелерде дайындық жұмыстары басталып кетті.